नवी दिल्ली (वृत्तसंस्था) : जम्मू-कश्मीरमध्ये पुलवामा जिल्ह्यातल्या त्राल भागात काल रात्री संरक्षण दलाबरोबर झालेल्या चकमकीत तीन दहशतवादी मारले गेले.
पोलीस, लष्कर आणि केंद्रीय राखीव सुरक्षा दल यांच्या संयुक्त मोहिमेमध्ये हे दहशतवादी मारले गेले अशी माहिती, एका पोलीस अधिका-यानं आकाशवाणीला दिली.
मारले गेलेल्या दहशतवाद्यांची ओळख पटली असून, हिजबूल मुजाहिद्दिन या संघटनेचे जहांगीर अहमद वानी आणि उझैर आमीन तसंच जैश-ए-महम्मद या संघटनेचा राजा उमेर अशी त्यांची नावं आहेत. हे तीनही स्थानिक दहशतवादी असल्याची माहिती पोलिसांनी दिली.