प्रधानमंत्री नरेंद्र मोदी यांच्या अध्यक्षतेखाली उद्या कोविड रुग्णांची सर्वाधिक संख्या असणाऱ्या सात राज्यांचे मुख्यमंत्री आणि आरोग्य मंत्र्यांची बैठक

नवी दिल्ली (वृत्तसंस्था) : प्रधानमंत्री नरेंद्र मोदी यांच्या अध्यक्षतेखाली उद्या कोविड रुग्णांची सर्वाधिक संख्या असणाऱ्या महाराष्ट्रासह सात राज्यांचे मुख्यमंत्री आणि आरोग्य मंत्री यांची उच्चस्तरिय बैठक होणार आहे.

या राज्यांमधल्या कोरोनाच्या वाढत्या रुग्ण संख्येवर नियंत्रण आणण्याबाबत, तसंच राज्यातल्या वैद्यकीय सोयीसुविधांचा आढावा या बैठकीत घेतला जाणार आहे.

देशातले ६५ पूर्णांक ५ दशांश टक्के कोविड रुग्ण महाराष्ट्र, आंध्र प्रदेश, कर्नाटक, उत्तर प्रदेश, तामिळनाडू, दिल्ली आणि पंजाब या सात राज्यांमधे असून देशातले कोरोनामुळे होणारे ७० टक्के मृत्यू याचं ठिकाणी नोंदवले गेले आहेत.