देशातल्या 6 लाखांपेक्षा जास्त शेतकऱ्यांकडून 69 लाख टनांहून अधिक धान पिकाची खरेदी
Ekach Dheya
नवी दिल्ली (वृत्तसंस्था) : सध्या सुरू असलेल्या खरीप विपणन हंगामात सरकारनं आतापर्यंत देशातल्या 6 लाखांपेक्षा जास्त शेतकऱ्यांकून 69 लाख टनांच्या वर धान पिकाची खरेदी केली आहे. भारतीय अन्न महामंडळासह इतर सरकारी संस्थांनी विविध राज्यं आणि केंद्रशासित प्रदेशांतून धान पिकाची किमान हमी भावानं खरेदी केली आहे, अशी माहिती केंद्रीय कृषी मंत्रालयानं दिली आहे.
आतापर्यंत खरेदी झालेल्या धान पिकाची एकंदर किंमत 13 हजार 128 कोटी रुपयांहून अधिक आहे. धान पिकाखेरीज 41 लाख टन डाळी आणि तेलबियांचीही सरकारमार्फत महाराष्ट्रासह इतर काही राज्यांतून खरेदी करण्यात आल्याचं कृषी विभागानं म्हटलं आहे.
