देशात आतापर्यंत एक कोटी सहा लाख ६२५ रुग्ण कोरोनामुक्त

नवी दिल्ली (वृत्तसंस्था) : देशात काल १२ हजार १४३ नव्या कोरोनाबाधित रुग्णांची नोंद झाली, तर १०३ रुग्णांचा उपचारादरम्यान मृत्यू झाला. देशातली एकूण कोविड बाधितांची संख्या १ कोटी ८ लाख ९२ हजार ७४६ झाली असून, या संसर्गानं आतापर्यंत एक लाख ५५ हजार ५५० रुग्णांचा मृत्यू झाला आहे. तर काल ११ हजार ३९५ रुग्ण बरे झाले. देशात आतापर्यंत १ कोटी ६ लाख ६२५ रुग्ण कोरोनामुक्त झाले असून, सध्या एक लाख ३६ हजार ५७१ रुग्णांवर उपचार सुरु आहेत.

देशभरात आतापर्यंत ७९ लाख ६७ हजार ६४७ नागरीकांचं कोविड लसीकरण करण्यात आलं.