मुंबई (वृत्तसंस्था) : मुंबई शहरात विना मास्क फिरणाऱ्या नागरिकांकडून यापुढे चलन देऊन दंड वसूल करण्यात येणार आहे, असं मुंबईचे पोलीस आयुक्त परमबीर सिंग यांनी स्पष्ट केलं आहे. आत्तापर्यंत हेल्मेट न वापरणाऱ्या तसंच सीट बेलट न लावणाऱ्यांकडून ५०० रुपये दंड घेतला जात होता. आता मास्क न लावणाऱ्यांकडून २० रुपये दंड वसूल केला जाणार आहे, असं ही सिंग यांनी सांगितलं.
दरम्यान मुंबई महानगर पालिकेनं काल एका दिवसात मास्क न लावणाऱ्या १६ हजार १५४ जणांकडून ३२ लाख रुपये दंड वसूल केला. शहरातील जिमखाने, क्लब, उपहार गृह, सिनेमा हॉल इथं काटेकोर चाचपणी करून करोनासंबधी नियमांचं पालन न करणाऱ्यांविरुद्ध ही कारवाई केली. अंधेरी तसंच वांद्रे भागातून सर्वात जास्त दंड वसूल करण्यात आला.
