सर्वाधिक लसीकरण केलेल्या राज्यांच्या यादीत महाराष्ट्र पहिल्या क्रमांकावर

मुंबई (वृत्तसंस्था) : राज्यात आत्तापर्यंत कोविड-१९ प्रतिबंधक लसीच्या एकूण ३८ लाख ४ हजार १४२ मात्रा देण्यात आल्या. यापैकी ५ लाख २३ हजार १८७ जणांनी लसीची दुसरी मात्रा घेतली आहे. तर ३२ लाख ८० हजार ९५५ जणांनी लसीची पहिली मात्रा घेतली आहे. याबरोबरच सर्वाधिक लसीकरण केलेल्या राज्यांच्या यादीत महाराष्ट्र पहिल्या क्रमांकावर पोचला आहे. महाराष्ट्रा खालोखाल राज्यस्थानात ३७ लाखापेक्षा अधिक जणांचं लसीकरण झालं असल्याची माहिती केंद्रीय आरोग्यमंत्रालयानं दिली आहे. राज्यात काल दिवसभरात राज्यात २ लाख ७४ हजार ३७ जणांना लस दिली गेली.