व्हॉट्सअॅपच्या नव्या धोरणामुळे खाजगीपणाच्या हक्कावर गदा

नवी दिल्ली (वृत्तसंस्था) : व्हॉट्स अॅप या समाजमाध्यम मंचाचं प्रायव्हसीविषयक धोरण भारतीय माहिती तंत्रज्ञान विषयक नियमांचं उल्लंघन करत असल्याचं केंद्रसरकारनं दिल्ली उच्च न्यायालयात काल सांगितलं. फेसबुकचे सीईओ मार्क झुकरबर्ग यांना तसं कळवण्यात आलं असून त्यांचं उत्तर अद्याप मिळालेलं नाही असं सरकारी वकिलांनी सांगितलं.

नवं धोरण १५ मे पासून अस्तित्वात आलं असून ते न स्वीकारणाऱ्या ग्राहकांची खाती अद्याप रद्द केलेली नाहीत, याबाबत प्रत्येक प्रकरणातल्या वस्तुस्थितीनुसार निर्णय घेऊ, असं व्हॉट्सअॅपच्या वकिलांनी सांगितलं. व्हॉट्सअॅपच्या नव्या धोरणामुळे खाजगीपणाच्या हक्कावर गदा येत असल्याबद्दल अनेक याचिकांची सुनावणी मुख्य न्यायाधीश न्यायमूर्ती डी.एन पटेल आणि न्यायमूर्ती ज्योती सिंग यांच्या खंडपीठासमोर सुरु आहे.