आशियाई मुष्टियुद्ध स्पर्धेत नादीर ओदाहला हरवून शिव थापा याची सलग पाचव्या पदकाची निश्चिती

नवी दिल्ली (वृत्तसंस्था) : आशियाई मुष्टियुद्ध स्पर्धेत, भारतीय मुष्टियोद्धा शिव थापा यानं दुबई इथं काल पुरुषांच्या 64 किलो गटात उपांत्यपूर्व फेरीमध्ये कुवेतच्या नादीर ओदाह याला हरवून उपांत्य फेरीत प्रवेश केला आणि आपल्या सलग पाचव्या पदकाची निश्चिती केली. उपांत्य फेरीत थापाची लढत माजी विजेता ताजिकीस्तानचा बखोदर उसमोनोव यांच्यासोबत होणार आहे. थापानं 2013 मध्ये सुवर्ण, 2017 मध्ये रौप्य तर 2015 आणि 2019च्या या स्पर्धांमध्ये दोन कांस्यपदकं मिळवली आहेत.