बार्बोरा क्रेज्सीकोवा फ्रेंच खुली महिला टेनिस स्पर्धेची विजेता

नवी दिल्ली (वृत्तसंस्था) : फ्रेंच खुल्या टेनिस स्पर्धेच्या अंतिम फेरीत महिला एकेरी सामन्यात रशियाच्या अनास्तासिया पाव्ल्यूचेन्कोव्हा हिचा पराभव करत चेक प्रजासत्ताकाच्या बार्बोरा क्रेज्सीकोवा हिनं विजेतेपद पटकावल आहे. रोलंड गेरोस इथं काल झालेल्या अंतिम सामन्यात क्रेज्सीकोवानं ३१व्या मानांकित पाव्ल्यूचेन्कोव्हाचा ६-१, २-६, ६-४ असा पराभव केला.

पुरुष दुहेरी अंतिम सामन्यात पिएरे ह्युजेस हर्बर्ट आणि निकोलस माहूत यांनी कझाकस्तानच्या अलेक्झांदर बब्लिक आणि आंद्रे गोलूबेव या जोडीचा पराभव केला. आज पुरुष एकेरीच्या अंतिम सामन्यात प्रथम मानांकित नोव्हाक जोकोविचचा सामना ५ व्या मानांकित ग्रीसच्या स्तेफानेस त्सित्सिपासबरोबर होणार आहे.