नवी दिल्ली (वृत्तसंस्था) : देशात कोविड १९ चे रुग्ण बरे होण्याचा दर ९७ पूर्णांक १८ शतांश टक्क्यावर पोचला आहे. काल ४७ हजारापेक्षा जास्त रुग्ण बरे झाले. आतापर्यंत २ कोटी ९७ लाख ९९ हजारापेक्षा जास्त रुग्ण कोरोनामुक्त झाले आहेत. काल ४३ हजारापेक्षा जास्त नवे रुग्ण आढळले. तर ९३० रुग्णांचा मृत्यू झाला. कोरोनाबळींची संख्या ४ लाख ४ हजार २११ झाली आहे. सध्या देशभरात ४ लाख ५९ हजार ९२० रुग्ण उपचाराधीन आहेत. देशात काल ३६ लाखापेक्षा जास्त नागरिकांचं लसीकरण झालं. आतापर्यंत ३६ कोटी १३ लाखापेक्षा जास्त मात्रा लाभार्थ्यांना दिल्याचं केंद्रीय आरोग्य मंत्रालयानं सांगितलं.
