देशात बरे झालेल्या रुग्णांचं प्रमाण 97 पूर्णांक 35 शतांश टक्के

नवी दिल्ली (वृत्तसंस्था) : देशात आज सकाळी संपलेल्या चोवीस तासात 41 हजार 383 नवीन कोरोनाबाधितांची नोंद झाली. तर 38 हजार 652 रुग्ण कोरोनामुक्त झाले. या कालावधीत कोविड-19 मुळं 507 जणांच्या मृत्युची नोंद झाली. सध्या 4 लाख 9 हजारांहून अधिक कोरोना रुग्ण उपचाराधीन आहेत. बरे झालेल्या रुग्णांचं प्रमाण सध्या 97 पूर्णांक 35 शतांश टक्के आहे. कोविड-19 मुळं देशात आजवर दगावलेल्यांची संख्या 4 लाख 18 हजारांवर गेली आहे. कोविड प्रतिबंधक लसींच्या 41 कोटी 78 लाखांहून अधिक मात्रा आजवर देऊन झाल्या आहेत. काल दिवसभरात 22 लाख 77 हजारांहून अधिक मात्रा देण्यात आल्या.