नवी दिल्ली (वृत्तसंस्था) : कोविड१९ प्रतिबंधक लसीकरणाच्या आज ३३९ व्या दिवशी देशानं १३८ कोटी लसमात्रांचा टप्पा पार केला. आजच्या दिवशी दुपारपर्यंत देशभरात लसींच्या ४१ लाखाहून अधिक मात्रा दिल्या गेल्या आहेत. याबरोबरच देशात आजवर दिल्या गेलेल्या लस मात्रांची एकूण संख्या १३८ कोटी १२ लाखाहून जास्त झाली आहे. यापैकी ५५ कोटी १० लाखाहून जास्त जणांना लसीच्या दोन्ही मात्रा मिळाल्या आहेत. राज्यातही आजच्या दिवशी दुपारपर्यंत लसीच्या ३ लाख ८८ हजाराहून अधिक मात्रा दिल्या गेल्या आहेत. आत्तापर्यंत राज्यभरात एकूण १२ कोटी ८१ लाखाहून अधिक लस मात्रा दिल्या गेल्या आहेत. यापैकी ४ कोटी ९२ लाखाहून अधिक जणांना लसीच्या दोन्ही मात्रा मिळाल्या आहेत.
