अमली पदार्थ नियंत्रण विषयक समन्वय केंद्राची तिसरी उच्चस्तरीय बैठक केंद्रीय गृहमंत्री अमित शहा यांच्या अध्यक्षतेखाली पार

नवी दिल्ली (वृत्तसंस्था) : अमली पदार्थ नियंत्रण विषयक समन्वय केंद्राची तिसरी उच्चस्तरीय बैठक काल नवी दिल्लीच्या विज्ञान भवनात केंद्रीय गृहमंत्री अमित शहा यांच्या अध्यक्षतेखाली पार पडली. गृहसचिव अजय भल्ला, गुप्तचर संस्थेचे संचालक अरविंद कुमार, अंमली पदार्थविरोधी पथकाचे प्रमुख एस. एन. प्रधान, तटरक्षक दलाचे प्रमुख, मुख्य सचिव, राज्यांचे पोलीस महासंचालक, केंद्रशासित प्रदेशांचे प्रतिनिधी आणि इतर उपस्थित होते. अंमली पदार्थांच्या समस्येबद्दल केंद्र सरकार अतिशय दक्ष असून हा राष्ट्रीय सुरक्षेसाठी मोठा धोका आहे, मात्र सर्वांच्या समन्वयाने याचा सामना करता येऊ शकतो असं प्रतिपादन शहा यांनी यावेळी केलं.