माजी गृहमंत्री अनिल देशमुख यांच्याविरोधात ईडीकडून आरोपपत्र दाखल

मुंबई (वृत्तसंस्था) : राज्याचे माजी गृहमंत्री अनिल देशमुख यांच्या विरुद्ध आज सक्तवसुली संचालनालयानं विशेष न्यायालयात आरोपपत्र दाखल केलं. मनी लाँडरिंग प्रकरणी देशमुख यांना प्रमुख आरोपी करण्यात आलं असून त्यांच्या चिरंजीवांवरही आरोप लावण्यात आले आहेत. मुंबईचे माजी पोलीस आयुक्त परमबीर सिंग यांनी प्रथम देशमुख यांच्यावर भ्रष्टाचाराचे गंभीर आरोप केले होते. त्यानंतर गेल्या एप्रिलमधे सीबीआयने त्यांच्या चौकशीला सुरुवात केली होती. आता मनीलाँडरिंग प्रकरणी सक्तवसुली संचालनालय त्यांची चौकशी करत आहे. १ नोव्हेंबरला अनिल देशमुखांना अटक झाली असून त्यांना मुंबईच्या आर्थर रोड तुरुंगात ठेवलं आहे.