बृहन्मुंबई हद्दीत येत्या ८ एप्रिलपर्यंत जमावबंदी आदेश जारी

मुंबई (वृत्तसंस्था) : बृहन्मुंबई हद्दीत शांतता आणि सुव्यवस्था अबाधित राखण्यासाठी महाराष्ट्र पोलीस अधिनियम, १९५१ मधील अधिकारानुसार पोलीस उपायुक्तांनी बृहन्मुंबई हद्दीत येत्या ८ एप्रिल पर्यंत जमावबंदी आदेश जारी केला आहे. या आदेशानुसार पाच किंवा त्यापेक्षा अधिक व्यक्तींचा जमाव करणं, मोर्चा काढणं, ध्वनीवर्धक, बँड, फटाके यांना मनाई आहे. विवाह समारंभ, अंत्यविधी कार्यक्रम, संघटनांच्या वैधानिक बैठका, क्लबमधल्या कार्यक्रमांना बंदी आदेशातून वगळलं आहे. चित्रपटगृहं, नाट्यगृहं तसंच सार्वजनिक मनोरंजनाची अन्य ठिकाणं, न्यायालयं, शासकीय, निमशासकीय कार्यालयं, शाळा, महाविद्यालयं, कारखाने, दुकानं या ठिकाणी सकारण होणाऱ्या जमावाला यातून वगळलं आहे.