मुंबई (वृत्तसंस्था) : रायगड जिल्ह्यात म्हसळा तालुक्यातल्या घोणसे घाटात आज सकाळी एका खासगी बसला झालेल्या अपघातात तीन प्रवाशांचा जागीच मृत्यू झाला, तर २५ प्रवासी जखमी झाले. हे सर्वजण म्हसळा तालुक्यातल्या धनगर मलई परिसरातले, पण मुबंईला राहणारे असून एका कार्यक्रमासाठी आपल्या गावाला जात असताना घाटात त्यांची बस दरीत कोसळली.
परिसरातल्या लोकांनी तातडीनं मदतीसाठी धाव घेतली. म्हसळा पोलिसही घटनास्थळी पोचले आणि त्यांनी मदतकार्य सुरु केल्याचं आमच्या वार्ताहरानं कळवलं आहे. जखमींवर म्हसळा इथल्या ग्रामीण रुग्णालयात उपचार सुरू आहेत. गंभीर जखमी झालेल्या काही प्रवाशांना माणगाव इथल्या रुग्णालयात नेण्यात आले असल्याचे म्हसळा पोलीस ठाण्याचे प्रभारी पोलीस निरीक्षक उद्धव सुर्वे यांनी सांगितहलवलं आहे.
रायगड जिल्ह्याच्या पालकमंत्री आदिती तटकरे यांनीही तातडीने अपघातग्रस्तांची भेट घेतली असून, अपघातग्रस्तांना आवश्यक उपचार देण्याविषयी आरोग्य यंत्रणेला निर्देश दिले आहेत.
