हैद्राबादच्या बायोलॉजिकल ई. लिमिटेड लशीच्या दरात कपात

नवी दिल्ली (वृत्तसंस्था) : हैद्राबादच्या बायोलॉजिकल ई. लिमिटेड या लस उत्पादक कंपनीने कोर्बेवॉक्स या कोविडविरोधी लशीच्या दरात कपात केली आहे. खाजगी लसीकरण केंद्रांना वस्तू आणि सेवाकरासहित ही लस 840 ऐवजी अडीचशे रुपयांत मिळू शकेल. रुग्णालयाचं दीडशे रुपये शुल्क गृहित धरल्यावर लाभार्थ्यांना प्रतिमात्रा चारशे रुपये दराने या लशीची मात्रा मिळू शकेल असं कंपनीने प्रसिद्ध केलेल्या पत्रकात म्हटलं आहे. 12 ते 17 वर्ष वयोगटाकरता ही लस असून तिच्या आतापर्यंत 4 कोटी एकोणचाळीस लाख मात्रा देण्यात आल्या आहेत. लस उत्पादक कंपनीने सुमारे 10 कोटी मात्रा केंद्रसरकारला पुरवल्या आहेत.