नवी दिल्ली : पोलिस कर्मचारी जबाबदारीनं आपलं कर्तव्य पार पाडत असल्यामुळे देश विकासाच्या मार्गवर पुढे वाटचाल करत आहे असं केंद्रीय गृहमंत्री अमित शाह यांनी म्हटलं आहे.
सीमा सुरक्षा असो किंवा दहशतवाद आणि नक्षलवादाविरोधातला लढा असो, देशात कायदा सुव्यवस्था तसंच शांतता राखण्यात पोलिस महत्त्वाची भूमिका पार पाडत असतात, असं ते म्हणाले.
पोलिस स्मृतीदिनानिमित्त आज राष्ट्रीय पोलिस स्मारक इथं शहीद पोलिस कर्मचा-यांना श्रद्धांजली वाहिल्यानंतर आयोजित कार्यक्रमात ते बोलत होते.