नवी दिल्ली (वृत्तसंस्था) : कोविड प्रतिबंधक लसीच्या २८ कोटी ३६ हजाराहून जास्त मात्रा देशात आतापर्यंत देण्यात आल्या आहेत. एकूण ५ कोटी १५ लाखांचे लसीकरण पूर्ण झाले आहे तर २२ कोटी ८० लाखांना एक डोस मिळाला आहे.
काल दिवसभरात ३० लाख ३९ हजारापेक्षा जास्त मात्रा लाभार्थ्यांना देण्यात आल्या. त्यातल्या २५ लाख लाभार्थ्यांनी पहिली मात्रा घेतली तर ५ लाखाहून जास्त लाभार्थ्यांनी दुसरी मात्रा घेतली.
केंद्रीय आरोग्य मंत्रालयाने सांगितले की १८ ते ४४ वर्ष वयोगटातल्या ४ कोटी ७० लाख लाभार्थ्यांना आतापर्यंत लस मिळाली आहे. काल त्यातल्या १५ लाखांना पहिली तर ६० हजारांना दुसरी मात्रा देण्यात आली.
