मुंबई (वृत्तसंस्था) : ज्येष्ठ कवी आणि सामाजिक कार्यकर्ते सतीश काळसेकर यांचं आज पहाटे पेण इथं राहत्या घरी निधन झालं. ते ७८ वर्षांचे होते. १९७१ मध्ये त्यांचा पहिला काव्य संग्रह इंद्रियोपनिषद हा प्रकाशित झाला. त्यानंतर साक्षात, विलंबित हे काव्यसंग्रह तसेच कविता लेनिनसाठी, नव्या वसाहतीत हे त्यांचे अनुवाद प्रकाशित झाले. महानगरी जीवनामध्ये वेगवेगळ्या प्रसंगात येणारे उत्कंठ भावनात्मक अनुभव हा त्यांच्या कवितेचा गाभा होता. त्यांना त्यांच्या वाङ्‌मयीन कार्यासाठी सोव्हिएत लँड नेहरू पारितोषिक, लालजी पेंडसे पुरस्कार, बहिणाबाई पुरस्कार, कविवर्य कुसुमाग्रज पुरस्कारासह, विविध पुरस्कार सन्मान प्राप्त झाले होते.
