नवी दिल्ली (वृत्तसंस्था) : अखिल भारतीय विज्ञान काँग्रेसच्या एकशे आठाव्या अधिवेशनाला प्रधानमंत्री नरेंद्र मोदी दूरदृश्य प्रणालीच्या माध्यमातून संबोधित करणार आहेत. शतकमहोत्सव साजरा करणाऱ्या नागपूरच्या राष्ट्रसंत तुकडोजी महाराज विद्यापीठात उद्यापासून हे अधिवेशन सुरु होणार आहे. महिला सक्षमीकरणाच्या अनुषंगाने शाश्वत विकासासाठी ज्ञान आणि तंत्रज्ञान अशी यंदाच्या अधिवेशनाची विषय संकल्पना आहे.
बाल विज्ञान काँग्रेस आणि शेतकरी विज्ञान काँग्रेसचं आयोजनही या अधिवेशनात करण्यात आलं आहे. विज्ञान तंत्रज्ञान क्षेत्रातलं महिलांचं योगदान या विषयावर होणाऱ्या विशेष कार्यक्रमात मान्यवर महिला वैज्ञानिकांची व्याख्यानं होणार आहेत.
