नवी दिल्ली (वृत्तसंस्था) : चीनमधल्या कोरोनाबाधित वुहान शहरातून ६०० हून अधिक भारतीयांना मायदेशी परत आणणाऱ्या एयर इंडियाच्या ३४ जणांच्या चमूचे उपराष्ट्रपती व्यंकय्या नायडू यांनी अभिनंदन केलं आहे. नियोजनबद्ध पद्धतीनं ही मोहीम राबवल्याबद्दल त्यांनी एयर इंडियाची ट्विटरवरून प्रशंसा केली आहे.
मायदेशी आणलेल्या कोणत्याही भारतीयाला या विषाणूची बाधा झालेली नाही, हे समजल्यावर आनंद होत आहे, अशी प्रतिक्रिया त्यांनी व्यक्त केली. गेल्या आठवड्यात एयर इंडियानं चीनमधल्या वुहान शहरातून ६४५ भारतीयांना मायदेशी आणलं असून, त्यांना आयटीबीपी आणि लष्कराच्या रुग्णालयांमध्ये ठेवलं आहे.
