नवी दिल्ली (वृत्तसंस्था) : मुंबईत बांद्रा टर्मिनसवरुन आज श्रमिक विशेष रेल्वेगाडी सुटण्याआधी बांद्रा टर्मिनसकडे जाणाऱ्या रस्त्यावर शेकडो मजुरांची गर्दी लोटल्यामुळे काही काळ गोंधळ उडाला. या स्थानकावरुन बिहारमधे पूर्णिया इथं जाणारी गाडी आज दुपारी २ वाजता सोडण्याची घोषणा रेल्वेनं केली होती.
आज सकाळी ११ च्या सुमाराला त्या भागात गर्दी होऊ लागली. नोंदणी केलेल्या १ हजार ७०० कामगार आणि त्यांच्या कुटुंबियांना घेऊन ही गाडी वेळेवर सुटली. मात्र नोंदणी न केलेले अनेकजण रेल्वे स्थानकाजवळच्या रस्त्यावर तसंच पुलावर जमा झाले होते. त्यांना नंतर पोलिसांनी पांगवल्याचं पीटीआयच्या बातमीत म्हटलं आहे.
