नवी दिल्ली (वृत्तसंस्था) : प्रधानमंत्री नरेंद्र मोदी येत्या २१ जूनला आंतरराष्ट्रीय योग दिनाला देशाला संबोधित करणार आहेत. याचं थेट प्रक्षेपण दूरदर्शन तसंच इतर डिजिटल व्यासपीठांवर सकाळी साडेसहाला केलं जाईल.
प्रधानमंत्र्यांच्या भाषणानंतर ७ वाजता मोरारजी देसाई राष्ट्रीय योग संस्थेद्वारा सर्वसाधारण नागरिकांसाठी दैनंदिन वापराच्या योगासनांचं प्रात्यक्षिकही होईल. त्यानंतर पावणे आठ वाजता योग विषयातल्या तज्ञांची मुलाखत प्रक्षेपित केली जाईल.
आयुष मंत्रालयातर्फे यावर्षी ‘घरामध्ये योग’ आणि ‘कुटुंबासोबत योग’ हा विषय घेऊन आंतरराष्ट्रीय योग दिनाचा कार्यक्रम आखला आहे.
