नवी दिल्ली (वृत्तसंस्था) : इंग्लंड विरुद्ध आगामी वीस षटकांच्या क्रिकेट सामन्यांच्या मालिकेसाठी भारतीय क्रिकेट नियामक मंडळाकडून काल भारतीय संघाची घोषणा करण्यात आली. ईशान किशन, सुर्यकुमार यादव, राहुल तवेटीया यांचा नव्याने संघात समावेश करण्यात आला आहे. तर यष्टीरक्षक रिषभ पंत, अष्टपैलू अक्षर पटेल, वेगवान गोलंदाज भुवनेश्वर कुमार हे संघात परतले आहेत.
१९ जणांचा भारतीय संघ असा असेल – कर्णधार विराट कोहली, उपकर्णधार रोहित शर्मा, के. एल राहुल शिखर धवन, श्रेयस ऐय्यर, सुर्यकुमार यादव, हार्दिक पांड्या, रिषभ पंत, ईशान किशन, यझुवेन्द्र चहल, वरुण चक्रवर्ती, अक्षर पटेल, वॉशिंग्टन सुंदर, राहुल तवेटीया, टी नटराजन, भुवनेश्वर कुमार, दीपक चहर, नवदीप सैनी आणि शार्दुल ठाकूर. ५ सामन्यांची हि मालिका अहमदाबाद इथं १२ मार्च पासून सुरु होईल.
