नवी दिल्ली (वृत्तसंस्था) : क्वाक्वारेली सिमंड्स विद्यापीठ क्रमवारीत पहिल्या २०० मधे स्थान मिळवल्याबद्दल प्रधानमंत्री नरेंद्र मोदी यांनी तीन भारतीय संस्थांचं अभिनंदन केलं आहे. IIT मुंबई, IIT दिल्ली आणि बेंगळुरुची भारतीय विज्ञान संस्था यांना या क्रमवारीत पहिल्या २०० मधे मानांकन मिळाल्याचं आम्ही आपल्याला सांगितलंच आहे. जागतिक स्तरावर भारतीयांची क्षमता आणि कामगिरी उठून दिसावी याकरता विद्यापीठं आणि शिक्षणसंस्था बळकट करण्याचे प्रयत्न सुरु असल्याचं प्रधानमंत्र्यांनी शुभेच्छा संदेशात म्हटलं आहे.
