मुंबई:- महान योद्धा महाराणा प्रतापसिंह यांच्या जयंतीदिनी मुख्यमंत्री उद्धव ठाकरे यांनी अभिवादन केले आहे. मातोश्री निवासस्थानी मुख्यमंत्री श्री. ठाकरे यांनी महाराणा प्रतापसिंह यांच्या प्रतिमेला पुष्पहार अर्पण करून अभिवादन केले. अभिवादन करताना मुख्यमंत्री श्री. ठाकरे म्हणाले, मातृभूमीच्या रक्षणासाठी प्राणांची बाजी लावणाऱ्या महाराणा प्रतापसिंह यांच्याकडून पराक्रमाचा महान वारसा मिळाला आहे. उत्कृष्ट सेनानायक, मूर्तिमंत त्याग आणि शौर्याचे प्रतीक अशा या महान योद्ध्याला जयंतीनिमित्त शतशः नमन.
