मुंबई (वृत्तसंस्था) : शाळा सुरू करण्याबाबत सरकारी यंत्रणेत समन्वय नसल्याचा आरोप विधानसभेतले विरोधी पक्षनेते देवेंद्र फडणविस यांनी केला. संस्कार या संस्थेमार्फत संस्कार स्टडी क्लाऊड या अभिनव मोफत शैक्षणिक उपक्रमाचं लोकार्पण केल्यानंतर ते काल बोलत होते. कोविडमुळे सर्वात जास्त परिणाम शिक्षणावर झाला असला तरी कोरोनानेच आपल्याला तंत्रज्ञानाच्या अधिक जवळ नेलं. सर्वचजण इंटरनेट वापरू लागल्यानं वेगवेगळ्या क्षेत्रात तंत्रज्ञानाचा वापर वाढला आहे. तेव्हा, आता त्यासाठी आवश्यक पायाभूत सोयींची गरज आहे, असं मत फडनवीस यांनी व्यक्त केलं.
