मुंबई (वृत्तसंस्था) : प्रत्येक शाळेसाठी ग्रंथालय निधी म्हणून २५ हजार रुपये देणार असल्याचं, शिक्षक आमदार विक्रम काळे यांनी जाहीर केलं आहे. परभणी जिल्ह्याच्या पूर्णा तालुक्यात सुहागण इथल्या छत्रपती संभाजी विद्यालयाला भेट दिल्यानंतर ते काल बोलत होते. शिक्षकांच्या अडचणी सोडवण्यासाठी आपण तत्परतेनं हजर असून, टप्पा अनुदान वाढीसाठी तसंच अनुदानित कर्मचाऱ्यांना जुन्या पेन्शन योजनेचा लाभ मिळवून देण्यासाठी प्रयत्नरत असल्याचं, काळे यांनी सांगितलं.
