नवी दिल्ली (वृत्तसंस्था) : भारतीय खुल्या बॅडिमटन स्पर्धेत भारताची पी. व्ही. सिंधू आणि जागतिक कांस्यपदक विजेता लक्ष्य सेन यांनी काल दिमाखदार विजयाची नोंद करत महिला आणि पुरुष एकेरीच्या उपांत्य फेरीत प्रवेश केला आहे. महिला एकेरीत सिंधूनं ३६ मिनिटांत २१ वर्षीय अस्मिता चालिहा हिला २१-७, २१-१८ असं पराभूत केलं. उपांत्य फेरीत सिंधूचा थायलंडच्या सहाव्या मानांकित सुपानिडा कॅटरथाँग हिच्यासोबत सामना होणार आहे. तर पुरुष एकेरीच्या उपांत्यपूर्व लढतीत लक्ष्य सेननं एचएस प्रणॉयवर संघर्षपूर्ण विजय मिळवला. उपांत्य फेरीत लक्ष्य सेनची लढत मलेशियाच्या एनजी त्झे योंग किंवा आयर्लंडच्या न्हाट गुयेनशी होणार आहे.
