मुंबई (वृत्तसंस्था) : संपूर्ण जगात साखर उत्पादनात भारत अव्वल स्थानी असून देशात साखर उत्पादनातराज्य आघाडीवर असल्याचं मुख्यमंत्री एकनाथ शिंदे यांनी सांगितलं आहे. ते आज पुण्यात वसंतदादा साखर संस्थेच्या वार्षिक सर्वसाधारण सभेत बोलत होते.
यावर्षी देशात ३८० लाख टन साखरेचं उत्पादन होणार असल्याचा अंदाज आहे अशी माहिती त्यांनी दिली. देशाच्या विकासात आणि विशेषतः ग्रामीण भागाच्या विकासात साखर उद्योगांचं मोठं योगदान असल्याचं शिंदे यांनी सांगितलं.
