पिंपरी : मोहननगर येथील आशीर्वाद संस्थेच्या सेंट पॉल स्कूलचे वार्षिक स्नेह संमेलन रामकृष्ण मोरे सभाग्रहात उत्साहात पार पडले. यावेळी प्रमुख पाहुणे म्हणून वरिष्ठ पोलीस निरीक्षक डॉ. विवेक मुंगलीकर, नगरसेविका मीनल यादव, माजी नगरसेवक मधुकर बाबर, पत्रकार आशा साळवी, संस्थेच्या संस्थापिका स्मिथ मॅडम, पिटर सर उपस्थित होते.
शाळेतील विद्यार्थी विद्यार्थीनींनी याप्रसंगी नृत्य, नाटक, कराटे प्रात्यक्षिक सादर केली. ईश्र्वरी मोहिते हिच्या नृत्याचे सर्वांनी विशेष कौतुक केले. सादर केलेल्या सर्व कार्यक्रमाच्या वेशभुषा अतिशय उत्तम होत्या. आपले ध्येय हे ए्हरेस्ट शिखरा प्रमाणे असावे असे प्रमुख पाहुणे डॉ. विवेक मुंगलीकर यांनी सांगितले मीनल यादव, मधुकर बाबर, सकाळच्या पत्रकार आशा साळवी यांनी आपले मनोगत वक्त केले.
स्नेह संमेलन यशस्वी करण्यासाठी सर्व शिक्षकांनी विशेष प्रयत्न केले. सूत्र संचलन सौ. प्रियांका बिऱ्हाडे व सौ. क्रांती माने यांनी केले. कार्यक्रमाची संपूर्ण संकल्पना सौ.आम्रपाली सावंत यांची होती. स्नेह हसंमेलनासाठी पालक व विद्यार्थी मोठ्या संख्येने उपस्थित होते.
