नवी दिल्ली (वृत्तसंस्था) : ब्राझीलचे अध्यक्ष जेर बोल्सोनॅरो चार दिवसांच्या भारत भेटीवर येत्या शुक्रवारी नवी दिल्लीत दाखल होत आहेत. 26 जानेवारीला होणाऱ्या 71 व्या प्रजासत्ताक दिन संचलनाचे ते प्रमुख पाहुणे असतील.
त्यांच्यासोबत सात मंत्र्यांचं प्रतिनिधी मंडळ, ब्राझीलच्या संसदेतले ब्राझील-भारत मैत्री गटाचे अध्यक्ष, वरिष्ठ अधिकारी आणि उद्योगपतींचं मोठं प्रतिनिधीमंडळही, भारत भेटीवर येत आहे.
बोल्सोनॅरो, राष्ट्रपती रामनाथ कोविंद यांची 25 जानेवारीला भेट घेणार असून राष्ट्रपती भवनात त्यांच्या सन्मानार्थ मेजवानीचं आयोजन करण्यात आलं आहे.
