नवी दिल्ली (वृत्तसंस्था) : आगामी आंतरराष्ट्रीय योग दिवसाच्या पार्श्वभूमीवर डीडी न्यूज वाहिनीवर उद्या संध्याकाळी ७ वाजता विशेष कार्यक्रमाचे आयोजन करण्यात आले आहे. यामध्ये आंतरराष्ट्रीय योग दिनानिमित्त केंद्रीय मंत्री मार्गदर्शन करणार आहेत. तर गुरुवारपासून पुढचे १० दिवस दररोज सकाळी ८ वाजता डीडी भारती आणि डीडी स्पोर्ट्स या वाहिन्यांवर योगांसनांचे वर्ग आयोजित केले जाणार आहेत. योगगुरु स्वामी रामदेव, श्री श्री रविशंकर, सदगुरु जग्गी वासुदेव, भगिनी शिवानी यांच्यासारखे प्रसिद्ध मार्गदर्शक यावेळी योगासनांविषयी मार्गदर्शन करणार आहेत.
