नवी दिल्ली (वृत्तसंस्था) : राज्यात आतापर्यंत ७० पोलिसांचा, कोवीडमुळे मृत्यू झाला आहे. राज्यात कोरोनाची लागण झालेल्या पोलीस कर्मचाऱ्यांची संख्या ५ हजार ४५४ झाली असून यापैकी ४ हजार २५० पोलीस, उपचारानंतर बरे झाले आहेत.
लॉकडाऊन काळात नियमांचं पालन न केल्याप्रकरणी, १ लाख ५१ हजार ३३३ गुन्हे दाखल झाले आहेत. २९ हजार ६३५ जणांना अटक केली असून, ८८ हजार ३३० वाहनं जप्त केली आहेत. पोलिसांवर हल्ला केल्याच्या २९४ घटनांमध्ये, ८६१ जणांना अटक झाली आहे, तर ७८६ जणांनी विलगीकरणाचे नियम मोडले आहेत.
याकाळात गुन्हेगारांकडून ११ कोटी २३ लाख १७ हजार ९८७ रुपयांचा दंड वसूल केला, तर अनधिकृत वाहतुक केल्याप्रकरणी १ हजार ३३५ गुन्हे दाखल केले, अशी माहिती गृह विभागानं दिली आहे.
