नवी दिल्ली (वृत्तसंस्था) : जम्मू काश्मीरच्या पुलवामा जिल्ह्यात द्रंगबल जवळ काल रात्रीपासून सुरक्षा दलांची दहशतवाद्यांबरोबर चकमक सुरू आहे. दोन पोलिसांच्या हत्येचा आरोप असलेला लष्कर-ए-तैय्यबचा कमांडर उमर मुश्ताक खांडे याला सुरक्षा दलांनी घेरलं आहे. पुलवामा जिल्ह्यात आणि श्रीनगर शहरात झालेल्या दोन घटनांमध्ये काल सुरक्षा दलांनी दोन दहशतवाद्यांना कंठस्नान घातलं. पोलीस उपनिरीक्षकांची तसंच काही नागरिकांची हत्या केल्याप्रकरणी पोलीस त्यांचा शोध घेत होते.
