मुंबई (वृत्तसंस्था) : प्रवासी वाहून नेण्याची क्षमता वाढावी आणि मुंबईकरांचा प्रवास सुखकर व्हावा म्हणून लंडनच्या धर्तीवर मुंबईत 900 वतानुकुलित दुमजली बसगाड्या मुंबईकर प्रवाशांच्या सेवेत दाखल करण्याचा निर्णय बेस्ट प्रशासनानं काल घेतला आहे. विविध विषयांवर काल बेस्ट समितीची बैठक झाली यात हा निर्णय घेण्यात आला. दोन कंपन्यांकडून 12 वर्षांसाठी या बसगाड्या भाडेतत्त्वावर घेतल्या जाणार आहेत. या वर्षाच्या अखेर पर्यंत 225 बसगाड्या सेवेत दाखल होतील. 18 ते 21 महिन्यांच्या आत सर्व बसगाड्या मुंबईकरांच्या सेवेत दाखल होतील.
