नवी दिल्ली (वृत्तसंस्था) : कोविड प्रतिबंधक लसीकरण मोहिमेत देशानं आज १७२ कोटी मात्रांचा टप्पा ओलांडला. आज सकाळपासून सुमारे ४४ लाख नागरिकांचं लसीकरण झालं. त्यामुळे आतापर्यंत लाभार्थ्यांना दिलेल्या मात्रांची एकूण संख्या सुमारे १७२ कोटी १८ लाख झाली आहे. त्यात ७४ कोटी ९२ लाख नागरिकांना लशींच्या दोन मात्रा मिळाल्या आहेत, तर १ कोटी ६० लाखापेक्षा जास्त पात्र लाभार्थ्यांना वर्धक मात्रा मिळाली आहे. १५ ते १८ वर्ष वयोगटातल्या ६ कोटी ४९ लाखापेक्षा जास्त लाभार्थ्यांनी लस घेतली आहे. राज्यात आज सकाळपासून ३ लाख ९१ हजारापेक्षा जास्त नागरिकांचं लसीकरण झालं आहे. राज्यात आतापर्यंत एकूण १५ कोटी १७ लाखापेक्षा जास्त मात्रा लाभार्थ्यांना दिल्या आहेत. त्यात ६ कोटी ३६ लाखापेक्षा जास्त नागरिकांना लशीच्या दोन मात्रा मिळाल्या आहेत, तर १२ लाख ७४ हजार पात्र लाभार्थ्यांना वर्धक मात्रा मिळाली आहे. १५ ते १८ वर्ष वयोगटातल्या ४१ लाखापेक्षा जास्त लाभार्थ्यांनी लस घेतली आहे.
