नवी दिल्ली (वृत्तसंस्था) : कोविड १९ च्या विषाणूचे नवे प्रकार आणि त्यांची लागण झालेल्या रुग्णांबाबत अधिक बारकाईनं लक्ष ठेवण्याचे निर्देश केंद्रीय आरोग्यमंत्री मनसुख मांडविय यांनी अधिकाऱ्यांना दिले आहेत. ते आज नवी दिल्ली इथं कोविड १९ च्या एक्स-ई या नव्या प्रकाराबाबत अधिकारी आणि तज्ञांच्या बैठकीत बोलत होते. कोविडवरच्या उपचारासाठी आवश्यक असलेल्या औषधांच्या उपलब्धतेचा आढावा सातत्यानं घ्यावा, तसंच सध्या सुरु असलेल्या लसीकरण मोहिमेला गती द्यावी आणि सर्व पात्र लाभार्थांचं लसीकरण करावं, असे निर्देश त्यांनी दिले.
