मुंबई (वृत्तसंस्था) : राज्यात काल कोविड-१९ च्या ४१ नव्या रुग्णांची नोंद झाली तर, ८७ रुग्ण कोरोनामुक्त झाले. कोरोनामुळे काल एकाही मृत्यूची नोंद झालेली नाही. राज्यात आतापर्यंत ७८ लाख ७५ हजार २११ जणांना कोरोनाची लागण झाली. त्यापैकी आतापर्यंत ७७ लाख २६ हजार ६६३ रुग्ण बरे झाले. तर १ लाख ४७ हजार ८१६ रुग्ण दगावले. सध्या राज्यात ७३२ रुग्णांवर उपचार सुरु आहेत. सिंधुदुर्ग, सांगली, जळगाव, नंदुरबार, लातूर, हिंगोली, उस्मानाबाद, वाशिम, यवतमाळ, वर्धा, भंडारा, आणि चंद्रपूर जिल्ह्यात सध्या एकही रुग्ण नाही. राज्यात रुग्ण बरे होण्याचा दर ९८ पूर्णांक ११ शतांश टक्के, तर मृत्यूदर १ पूर्णांक ८७ शतांश टक्के आहे.
