नवी दिल्ली (वृत्तसंस्था) : भारत आणि बांगलादेश यांच्यातल्या कसोटी क्रिकेट मालिकेतला दुसरा, आणि दोन्ही संघांचा पहिलाच दिवसरात्र कसोटी क्रिकेट सामना आजपासून कोलकाता इथं इडन गार्डन्स मैदानावर सुरु होणार आहे.
दिवस-रात्र खेळल्या जाणाऱ्या या सामन्यात लाल चेंडूऐवजी गुलाबी चेंडूनं सामना खेळला जाईल. रात्रीच्या वेळी चेंडू अधिक चांगल्या पद्धतीनं दिसावा, यासाठी रंगात बदल केला आहे.
गुलाबी चेंडूची सवय व्हावी, यासाठी इंदूर इथं दोन्ही संघांनी सराव केला. दोन्ही संघ पहिल्यांदाच गुलाबी चेंडू वापरुन आंतरराष्ट्रीय सामना खेळतील. दुपारी एक वाजता हा सामना होईल.
