नवी दिल्ली (वृत्तसंस्था) : अमेरिकेच्या फौजा तैनात असलेल्या बगदादमधल्या इराकी हवाई तळावर काल इराणकडून रॉकेटचा मारा करण्यात आला. अल बलाद हवाई तळावर काल डागण्यात आलेल्या आठ रॉकेटच्या मा-यानं दोन इराकी अधिकारी आणि दोन वायूसैनिक जखमी झाले.
अल बलाद हा इराकच्या एफ-१६ या लढाऊ विमानांचा मुख्य हवाईतळ आहे. या हवाईतळावर अमेरिकेच्या हवाईदलाची छोटी तुकडी तैनात होती. मात्र अमेरिका आणि इराणमधे गेले काही दिवस सुरु असलेल्या तणावाच्या पार्श्वभूमीवर या तुकडीतील अनेकजण इथून परत गेले होते.
