नवी दिल्ली (वृत्तसंस्था) : लॉकडाऊन संपेपर्यंत मुंबई पोलिसातल्या जवानांना बारा तासाच्या शिफ्टनंतर २४ तासाची विश्रांती मिळणार आहे. मुंबई पोलिस आयुक्तालयानं ही माहिती दिली आहे.
५५ वर्षावरच्या सर्व पोलिसांना घरीच थांबण्याचे निर्देश दिले आहेत. याशिवाय, ज्या पोलिसांना मधुमेह, उच्च रक्तदाबासारखे आजार आहे अशा ५२ वर्षांवरच्या पोलिसांनाही घरी थांबण्याचे निर्देश दिले आहेत. तीन दिवसांत तीन पोलिस कर्मचाऱ्यांचा या विषाणूमुळे मृत्यू झाल्यानंतर हा निर्णय घेतला आहे.
राज्यात आतापर्यंत वीस अधिकाऱ्यांसह १०७ पोलिस कर्मचाऱ्यांना याची लागण झाली असून यात बहुतांश मुंबईतले आहेत.
